Lanog pa sa shagit sa takuri ang mga pulong nga gibatbat sa ulo, Nga gitik-om lamang pinaagi sa mga pahiyom. Sa kusina natong karaan nahitabo ang mga lalis, nga daw hinagiban nga nakasamad sa atong balatian. Ang baga sa akong kasing-kasing nga kaniadto nagdilaab, daw karon napasagdan ug napalong nalang. Kaniadto ikaw ang kalayo nga nagasiga sa akong dughan, Pero wala nako namatikdan nga sa hinay-hinay ang pagbati ko kanimo nahimong abo, ug ikaw ra pud ang hinungdan. Sa pagtan-aw ko sa sulod sa kaldero sa atong handumanan, Wala nay nahabilin, daw mga lamas nga nangalata ug naamong na ang tanan. Ug ako karon ania sa kusina nga nagtindug ug nag-inusara, Nawad-an na ug gana sa pagluto, Bisan pa man kung pangayuon mo ang ikaduhang higayon. Kini mao ang kusina nga nagtimaan sa pagkawala sa kahinam natong duha sa...
Nagsulat sa kahanginan uban ang paglaum nga unta imohang mabasahan.